Бул ГЭСтин орнотулган кубаттуулугу 27 МВт болот.
Учурда курулуштун төмөнкү этаптары аткарылды:
- курулуш аянтына алып бараткан узундугу 8 чакырымдык убактылуу жолдун курулушу аяктады.
- Папан суу сактагычынын аймагында суу кабылдагычты куруу үчүн жер тилкеси аныкталды.
- ГЭС имараты жана 110 кВ (ОРУ-110 кВ) чыңалуудагы ачык бөлүштүрүүчү түзүлүштү камтыган өндүрүштүк түйүн түзүү үчүн жерди бөлүп берүү жана трансформациялоо процедурасы башталды.
- Курулуш процессинде электр энергиясын берүү үчүн техникалык шарттар иштелип чыкты жана макулдашылды.
- Учурда Папан ГЭСинен «Узловая – Беш-Мойнок» ВЛ-110 кВ электр өткөргүч линиясынын опорлорун орнотуу үчүн жерди бөлүп берүү маселелери каралууда.
«Муну менен катар, долбоордук-сметалык документацияны иштеп чыгуу улантылууда, курулуштун алдын ала планы бекитилди, Папан суу сактагычынын аймагына кирүү үчүн уруксаттар алынды, ошондой эле инженердик изилдөөлөр улантылууда», - деп билдиришти министрликтен.
