Диалогдун катышуучулары региондогу бизнес коомчулуктун өкүлдөрү, жергиликтүү бийлик жана тармактык ассоциациялар болду.
Талкуунун жүрүшүндө Нарын облусунун ишкерлеринин негизги тоскоолдуктарды жана бизнести өнүктүрүүнүн приоритеттүү багыттарын белгилешти. Каржылоого жетүү, жеңилдетилген кредит берүү программаларын кеңейтүү жана ишкерлерди колдоо үчүн санарип инфраструктурасын өнүктүрүү менен байланышкан маселелер көңүл борборунда болду.
Мындан тышкары, бизнес процессин жеңилдетүүгө жана «бир терезе» форматында консультацияларды берүүгө көмөктөшүүчү регионалдык санарип хабын түзүү боюнча сунуштар талкууланды.
Жыйындынын катышуучулары, ошондой эле, айыл чарба продукциясын кайра иштетүү жана текстиль өнөр жайы тармактарында өндүрүштүк жана экспорттук кластерлерди түзүүнүн маанилүүлүгүн белгилешти, бул жергиликтүү ишканалардын атаандаштыкка жөндөмдүүлүгүн жогорулатууга жана сырттагы рыноктордогу мүмкүнчүлүктөрүн жакшыртууга жардам берет.
«Талкуунун жыйынтыгында Нарын облусунун өкүлдөрүнүн сунуштары жыйынтыкталып, КИП-2030 программасынын долбоорун иштеп чыгууда эске алынат. Жыйында алынган сунуштар региондун өзгөчөлүктөрүн жана бизнес муктаждыктарын эске алган практикалык жана максаттуу колдоо чараларын иштеп чыгууга багытталган», - деп айтылат билдирүүдө.
