Текшерүү процессинде аталган видеону Б.у.Б. аттуу жаран жарнама максатында, Алай районундагы Сары-Ой тоо жайлоосунда килемдерди көрсөтүү үчүн тарткандыгы аныкталды.
Натыйжада, эркек 236-беренени бузгандыгы үчүн 10 миң сомго айып пулга тартылды, бул берене суу ресурстарын булгануудан коргоо менен байланыштуу. Мындан тышкары, анын менен түшүндүрүү иши жүргүзүлдү.
«Видеодо көрсөтүлгөн аракеттер экологиялык нормаларга жооп бербейт. Жаран өзүнүн катачылыктарын мойнуна алып, социалдык тармактарда коомчулукка кечирим сурап, аракеттерин түшүндүргөн билдирүү жарыялады», - деп кошумчалашты Экология министрлигинен.
