Бул документ жарандардын ден соолугун жана айлана-чөйрөнү туруктуу органикалык булгануучулардын терс таасиринен коргоо максатында кабыл алынган. Ал кооптуу калдыктарды башкаруунун натыйжалуулугун жогорулатууга жана Стокгольм конвенциясынын туруктуу органикалык булгануучулар боюнча милдеттенмелерин аткарууга багытталган.
Бул процесстер үчүн жооптуу орган катары Табигый ресурстар, экология жана техникалык көзөмөл министрлиги дайындалды, ага эски пестициддерди жана туруктуу органикалык булгануучулар, ртуть жана свинец сыяктуу токсикалык калдыктарды коопсуз сактоо жана жок кылуу тапшырылды.
Мындан тышкары, министрликке эски пестициддерди жок кылуу жана булганган аймактарды рекультивациялоо үчүн эл аралык донорлордон инвестиция тартуу тапшырылды.
Бул токтомдун ишке ашырылышы Минприроданын бекитилген кызматкерлеринин санынын алкагында республикалык бюджеттин каражаттарын жана башка мыйзамдуу каржылоо булактарын колдонуу менен жүргүзүлөт.
