Министрликтин маалымат кызматы жолугушууда Германиянын Федералдык экономика жана климатты коргоо министрлиги тарабынан каржыланган «Жашыл шаарлар» регионалдык долбоорунун ишке ашырылышы талкууланганын билдирди.
Бул долбоор Тажикстан, Өзбекстан жана Кыргызстанды камтыйт, анда негизги өнөктөш катары Табигый ресурстар министрлиги саналат.
Бул демилгени ишке ашыруу алкагында катышуучу шаарлар арасында тажрыйба алмашуу, климаттык чечимдерди иштеп чыгуу жана экологиялык процесстерди башкаруунун заманбап ыкмаларын киргизүү боюнча иш-чаралар пландалууда.
Тараптар «Жашыл шаарлар» долбоорунун алкагында кызматташтыкты улантууга жана Кыргызстанда туруктуу жана экологиялык жактан коопсуз шаардык чөйрөнү түзүүгө багытталган практикалык иш-чараларды өткөрүүгө ниет билдиришти.
