27-январда Ош шаарынын мэри Женишбек Токторбаев рейддик текшерүү учурунда «Жетиген» мектебиндеги тамактануу уюштурулушунда бир катар көйгөйлөрдү аныктады. Анын сын-пикирине жооп катары мэрия кырдаалды жакшыртуу боюнча тез арада чараларды көрдү.
Айрыкча, ашпозчу алмаштырылды, бул мэриянын өкүлдөрүнүн айтымында, окуучуларга берилген нан жана кондитердик азыктардын сапаты жана даамы кыйла жогорулады.
Мэрдин орун басары Нурлан Закиров 29-январда мектепке жеке барып, тамактануу шарттарын кайрадан баалап, кырдаалдын жакшырганына ынанды.
