Химизация, өсүмдүктөрдү коргоо жана карантин департаменти өлкө аймагына киргизилген көчөттөрдүн фитосанитардык аспекттерин активдүү көзөмөлдөп турат. Бардык киргизилген көчөттөр милдеттүү карантинге жана фитосанитардык текшерүүгө алынат.
Көзөмөлдөө процесси документтерди, анын ичинде фитосанитардык сертификаттарды жана коштоп жүрүүчү документтерди текшерүүдөн башталат. Андан кийин карантиндик зыянкечтерди аныктоо үчүн лабораториялык изилдөөлөр жүргүзүлөт, ал эми зарыл болсо, аларды жок кылуу боюнча иш-чаралар, мисалы, фумигация жүргүзүлөт.
2024-жылы 8 миңден ашык лабораториялык экспертиза жүргүзүлсө, 2025-жылы 3 миңден ашык экспертиза жүргүзүлдү. Өткөн жылы жүргүзүлгөн фумигациянын көлөмү 156 миң куб метрди түздү, бул 2024-жылдын көрсөткүчтөрүнөн кыйла жогору.
Көчөттөрдү киргизүү үчүн Кыргыз Республикасынын аймагына белгилүү сортторду жана гибриддерди киргизүүгө укукту тастыктаган атайын документтин болушу зарыл.
Мындан тышкары, өлкөдө пестициддерди жана агрохимикаттарды колдонууга катуу көзөмөл жүргүзүлөт. Бардык химиялык каражаттар каттоодон өтүшү керек, катталбаган продукттарды киргизүүгө тыюу салынат.
Департаменттин негизги милдети республиканын карантиндик зыянкеч организмдерди киргизүү жана жайылтуудан коргоо болуп саналат.
