Сүйлөшүүнүн жүрүшүндө АКШнын визалык саясатына болгон акыркы өзгөрүүлөргө өзгөчө көңүл бурулду. Кыргыз тарап визалык маселелер боюнча конструктивдүү диалогдун маанилүүлүгүн белгилеп, өз ара кабыл алынуучу чечимдерди иштеп чыгуу зарылдыгын айтты.
Америкалык тарап Кыргызстандын жарандары тарабынан визалык режимдин сакталуусуна байланыштуу маселелерди көтөрүп, кийинки талкууларга даярдыгын билдирди, деп маалымдайт Тышкы иштер министрлигинин басма сөз кызматы.
Мурда Кыргызстандын тышкы саясат мекемеси жаңы талаптардын эки өлкөнүн жарандарынын сапарларына терс таасир этүүсү мүмкүн экендиги боюнча тынчсыздануусун билдирген, бул өз кезегинде бизнес жана туристтик байланыштарды азайтууга алып келиши мүмкүн экендигин, соода-экономикалык кызматташтыкты өнүктүрүүнү кыйындатары тууралуу билдирген.
2023-жылдын 21-январынан баштап Кыргызстандын жарандары үчүн B1 (бизнес сапарлар) жана B2 (туризм) категориясындагы иммиграциялык эмес визаларга арыз бергенде $5 миңден $15 миңге чейин милдеттүү кайтарымдык депозит киргизилди.
