Кыргызстандын борбору Бишкекте, административдик-территориялык реформанын алкагында Ленин районунун курамына кирген Орок айылындагы тургундар менен жолугушуу өттү. Жолугушуунун негизги темасы транспорттук инфраструктуранын өнүгүшү боюнча суроолор болду, деп билдиришти мэриядан.
Иш-чарада Жогорку Кенештин депутаты Жаныбек Абиров, Бишкек шаардык кенешинин депутаты Тилек Асылбеков, транспорт жана жол-транспорт инфраструктурасын өнүктүрүү департаментинин директору Уланбек Бейшенбаев, ошондой эле МП «Бишкек шаардык транспортунун» начальниги Талантбек Капаров жана жергиликтүү активисттер катышты.
Ороктун тургундары күнүмдүк жашоосуна байланыштуу бир катар көйгөйлөрдү көтөрүштү. Негизги көңүл жолдордун абалына, алардын оңдолушуна жана жабдылган автобус токтотуучу жайлардын жоктугуна бурулду.
Директор Уланбек Бейшенбаев учурда жолдордун тармагын оңдоо боюнча Транспорт жана байланыш министрлиги менен сүйлөшүүлөр жүрүп жатканын билдирди. Ошондой эле, жаңы автобус токтотуучу жайларды орнотуу маселеси мамлекеттик органдар жана жергиликтүү администрациялар менен кызматташтыкта, жергиликтүү тургундардын муктаждыктарын жана бар болгон транспорттук маршруттарды эске алуу менен каралып жатканын белгиледи.
Жолугушууда айдоочулардын жол эрежелерин жана эмгек тартибин сактоосу боюнча суроолор да талкууланды.
Департаменттин өкүлдөрү айтылган сунуштар жана көйгөйлөр профильдик органдарга өткөрүлүп берилерин жана алардын чечилиши боюнча иштер жакынкы убакта улантыларын кепилдешти.
