Ал 4 миңден ашык адам Кыргызстандан кырсыктын кесепеттерин жоюу иштерине жөнөтүлгөнүн белгиледи.
«Бул трагедия 26-апрелде болду, жана быйыл биз кырсыктын 40 жылдыгын белгилеп жатабыз. Кырсыкты жоюуга катышкан биздин жарандар радиациядан жабыркашты. Учурда алардын арасынан болгону 800 адам калды, алардын көпчүлүгү мүмкүнчүлүгү чектелген», — деди депутат.
Акимбаева ошондой эле жооптуу мамлекеттик органдарды апрель айында эскерүү иш-чараларын уюштуруп, чернобыльчыларга жана алардын үй-бүлөлөрүнө зарыл социалдык колдоо көрсөтүүгө чакырды.
Мындан тышкары, ал Афганистандагы аскердик аракеттерге катышкан кыргызстандыктарга да жардам берүү зарылдыгын билдирди.
