Жакында Кыргыз Республикасынын Эмгек, социалдык камсыздоо жана миграция министрлигинин коллегиясынын жыйынында министр Канат Сагынбаев айрым регионалдык жана ведомстволук бөлүмдөрдүн «Пикир» обраттуу байланыш системасын натыйжалуу колдонбой жатканына нааразычылыгын билдирди.
Ведомствонун маалыматы боюнча, бул система мамлекеттик органдардын ишинин ачыктыгын жогорулатуу жана калкты маалымдоо деңгээлин жакшыртуу максатында киргизилген. Ал жарандарга QR-коддор аркылуу пикирлерин калтырууга мүмкүнчүлүк берет, бул болсо алардын кайрылууларына, арыздарына жана сунуштарына ыкчам жооп берүүгө жардам бериши керек. Бирок, министр белгилегендей, практикада бул система азырынча толук кубатта иштебей жатат.
Канат Сагынбаев «Пикир» обраттуу байланыш системасын эске албоо болбой тургандыгын баса белгиледи. «Эгер жарандардын кайрылууларын көңүлдөн четтетсек, бул биздин ишибиздин сапатына жана министрликке болгон ишенимге терс таасир этет. Ар бир эскертүү кылдаттык менен жана белгиленген мөөнөттө каралышы керек», - деди ал.
Министр бардык бөлүмдөрдүн жетекчилерине «Пикир» маалыматтык системасын натыйжалуу иштетүүнү, жарандардан келген пикирлерди ыкчам карап чыгууну уюштурууну, ошондой эле биринчи кварталдын жыйынтыгы боюнча ишти жакшыртуу боюнча сунуштар менен аналитикалык отчетторду даярдоону тапшырды.
