Келишим өлкөгө мыйзамсыз кирген жарандарды кайтаруу процессин жеңилдетет
Учурда Жогорку Кеңеште 2025-жылдын 29-сентябрында Минскте Кыргызстан менен Беларусиянын ортосунда кол коюлган реадмиссия келишимин ратификациялоо боюнча мыйзам долбоору талкууланууда.
Бул документ башка өлкөнүн аймагында мыйзамсыз жүргөн жарандарды өз мекенине тезирээк кайтаруу үчүн шарттарды түзөт, ошондой эле элдерди чыгаруу процессин эл аралык стандарттарга ылайык жеңилдетет.
Мындан тышкары, келишим эки өлкөнүн компетенттүү органдарынын мыйзамсыз миграцияга каршы күрөшүү боюнча кызматташтыгын кеңейтет.
Бул келишимди ратификациялоо процесс Кыргызстанды Беларусия, Казакстан жана Россия менен Бирдиктүү экономикалык мейкинге интеграциялоонун «жол картасына» ылайык келет, ошондой эле Россия, Казакстан жана Швейцария менен мурда түзүлгөн реадмиссия келишимдеринин спектрин кеңейтет.
Ички иштер министрлигинин маалыматы боюнча, бүгүнкү күндө Беларусияда 654 кыргызстандык жаран бар.
Сүрөт www
