Министрликтен билдиришкендей, болжол менен 30 аталыштагы дары жана медициналык буюмдарды түздөн-түз өндүрүүчүлөрдөн сатып алуу пландалууда. Бул ыкма ортомчуларды жоюуга, продукциянын эл аралык сапат стандарттарына, анын ичинде ДСУнун алдын ала квалификациясына ылайык келүүсүнө, ошондой эле глобалдык сатып алууга катышуу аркылуу атаандаштык бааларды түзүүгө багытталган.
Учурда келишимдерди түзүү үчүн даярдык жүрүп жатат. Алдын ала баалоолор боюнча, бул модельдин ишке ашырылышы өткөн жылга салыштырмалуу бюджеттик каражаттарды болжол менен 410 млн сомго үнөмдөөгө алып келиши мүмкүн.
Саламаттыкты сактоо министрлигинен белгилегендей, 2026-жылга карата сатып алуу саясаты дары-дармек бааларын төмөндөтүүгө, алардын сапатын жана жеткирүүнүн туруктуулугун камсыздоого, ошондой эле мамлекеттик ресурстарды натыйжалуу пайдаланууга багытталган.
Башкы беттеги иллюстрация КР Саламаттыкты сактоо министрлигинин маалымат кызматынан берилген.
