Өткөн жумада өткөн «АгроДиалог-2026» форумунда айыл чарба министри Бакыт Торобаев мөмө-жемиштерди жана жашылчаларды сактоо үчүн муздаткыч кампаларды куруу идеясын сунуштады, деп билдирет Министрликтин басма сөз кызматы.
Министрдин белгилөөсү боюнча, бул долбоор жыйналган түшүмдүн жоготуулары менен күрөшүүгө жардам берет, анткени фермерлер заманбап кампалык мүмкүнчүлүктөрдүн жетишсиздигинен улам кыйынчылыктарга туш болушууда. Бул продукциянын сапатын сактоого шарт түзөт, ошондой эле анын кайра иштетүү жана экспорттоо мүмкүнчүлүктөрүн кеңейтет.
«Биз фермерлерге, агробизнесмендерге жана кайра иштетүүчүлөргө муздаткыч камералары бар заманбап кампаларды курууда толук колдоо көрсөтүүгө даярбыз. Мындай объекттерди эл аралык стандарттарга ылайык куруу агроөнөржай комплексинин натыйжалуулугун жогорулатуу жана өлкөнүн азык-түлүк коопсуздугун бекемдөө үчүн стратегиялык мааниге ээ», — деп баса белгиледи Бакыт Торобаев.
Бул сунуш айыл чарба өндүрүүчүлөрүн жана агробизнесин комплексдүү колдоого, ошондой эле продукцияны сактоо жана кайра иштетүү үчүн инфраструктураны өнүктүрүүгө багытталган, бул жаңы жумуш орундарын түзүп, Кыргызстанды региондогу жана эл аралык аренадагы рыноктордо атаандаштыкка жөндөмдүүлүгүн жогорулатат.
Министрлик мамлекеттик- жеке өнөктөштүк алкагында инвесторлор менен биргеликте программаны ишке ашырууну пландаштырууда. Ал долбоорлорду долбоорлоодон баштап, куруу, эксплуатация жана сактоо стандарттары боюнча сертификаттоого чейин толук коштоп берүүнү камтыйт. Мындан тышкары, ведомство айыл чарба продукциясынын запастарын натыйжалуу башкаруу жана логистикалык чынжырлар боюнча консультацияларды сунуштайт, бул фермерлердин кирешелерин жогорулатып, жоготууларды азайтууга мүмкүндүк берет.
