«Кыргыз темир жолу» жаңы «Бирдиктүү жүк ташуу процессинин модели» аттуу санариптик системаны ишке киргизет. Компаниянын маалымат кызматынын маалыматына ылайык, бул система жүк ташуунун бардык этаптарын бирдиктүү программалык камсыздоо менен интеграциялайт.
Жаңы программа аркылуу бардык операциялар, Турксиб станциясында вагондорду кабыл алуудан баштап, алардын өткөрүлүшүнө чейин автоматташтырылат. Бул өз ара аракеттенүү процессин кыйла жеңилдетип, ылдамдатууга мүмкүндүк берет.
Мындан тышкары, жүк жөнөтүүчүлөр жана жүк алгандар үчүн railway.gov.kg сайтында жеке кабинеттер түзүлгөн. Эми кардарлар арыздарды толтуруп, алардын статусун көзөмөлдөп, темир жол менен алыстан байланышып, жеке жолугушууларга муктаж болбойт.
Жаңы системанын негизги артыкчылыктары:
- вагондордун токтоп туруусун эсепке алуу жана жыйымдарды автоматтык эсептөө;
- отчеттуулукту автоматташтыруу жана кирешелерди ачык көзөмөлдөө;
- маалыматтарды кол менен киргизүү менен байланышкан каталарды жоюу;
- рутина тапшырмаларын автоматташтыруу аркылуу кызматкерлердин жүгүн кыйла азайтуу;
- кардарларга кызмат көрсөтүүнүн сапатын жогорулатуу жана бардык процессерди ылдамдатуу.
