Ижаранын баасы 268 миң сомду түздү. Ведомство вертолет колониянын аймагына конбогонун белгиледи.
«Вертолет конуп, мекеменин чегинен тышкардагы аянттан учуп кетти», — деп маалымдашты МЧСте.
Социалдык тармактарда колониянын жанында вертолеттун учуп кетиши тартылган видео пайда болгон.
Даниэль Ажиев ушул жылдын февралында кечиримге алынган жана эркиндикке чыккан. Анын үй-бүлө мүчөлөрү бул президенттин чечими менен мүмкүн болгонун билдиришти.
Эскерте кетсек, 2024-жылы Ажиев 220 миң сом өлчөмүндө айыппул жана мүлкүн конфискациялоо менен 9 жылга эркинен ажыратылган. Сот аны жыныстык кызмат көрсөтүүлөрдү уюштуруу, порнографияны таратуу жана мүлктүк зыян келтирүү боюнча күнөөлүү деп тапкан. Мындан тышкары, ага эки жыл бою ишкердик менен алектенүүгө тыюу салынган.
