Бул маалыматты Ош шаардык мэриясынын юридикалык бөлүмүнүн башкы адиси Нурсултан Акылбек уулу билдирди.
«Балдар бакчалары №18 жана №20, «Айданек» балдар бакчасы, ошондой эле Панфилов, Шевченко, С. Шарипов жана Киров атындагы мектептер азыркы учурда соттун чечими менен мэриянын балансында. Макаренко атындагы мектеп боюнча мыйзамсыз курулуштар боюнча маселелер каралууда. Текшерүүлөрдүн жүрүшүндө 70 гектар 65 сотык жер муниципалдык менчикке кайтарылды, жана кошумча 35 гектарды өткөрүү боюнча иштер улантылууда», - деди ал.
Мэриянын басма сөз кызматынын маалыматына ылайык, билим берүү мекемелеринин айланасындагы мыйзамсыз курулуштарды бузуу үчүн мөөнөт 1-мартка чейин белгиленген.
Мэр Женишбек Токторбаев текшерүүлөрдүн жүрүшүндө бир катар мыйзамсыз объектилерди аныктады. Ал тиешелүү кызматтарга көрсөтүлгөн мөөнөткө чейин мектептердин айланасын бул курулуштардан толук тазалоону тапшырды.
Атап айтканда, аныкталган:
- 8-орто мектептин айланасында 3 объект;
- 6-орто мектептин айланасында 5 объект;
- 57-орто мектептин жанында 12 объект.
Аталган курулуштардын ээлерине эскертүүлөр берилди.
Мындан тышкары, Макаренко атындагы мектептин жанындагы «Капитал» банкы боюнча мурда соттук териштирүү өткөн. Биринчи инстанциядагы сот бул имаратты бузуу боюнча чечим чыгарды, анткени банк ишти утуп алган эмес.
Ошондой эле сот төмөнкү мекемелердин жер тилкелерин муниципалдык менчикке кайтаруу боюнча чечим кабыл алды:
- А. С. Макаренко, Рудаки, Пушкин атындагы мектептер, №15 жана №3 балдар бакчалары, Ош облустук балдар ооруканасы, Ош шаардык ооруканасы, Ош шаардык балдар инфекциялык ооруканасы.
Учурда башка социалдык объекттерди кайтаруу боюнча соттук териштирүүлөр улантылууда.
