Ушаковдун айтымында, бул тема Россия президенти менен Америка президенти Дональд Трамптын телефон сүйлөшүүлөрүнүн учурунда көтөрүлгөн.
«Биз мындай жолугушуулардан эч качан баш тарткан эмеспиз жана баш тартууну пландаштырбайбыз. Мындай байланыштар кылдат даярдалган жана конкреттүү оң натыйжаларга жетишүүгө багытталган болушу маанилүү. Эгер Зеленский чын эле жолугушууга даяр болсо, биз аны Москвага чакырабыз жана анын коопсуздугун кепилдейбиз, ошондой эле натыйжалуу иштөө үчүн зарыл шарттарды түзөбүз», — деп кошумчалады ал.
Эсиңиздерге сала кетсек, 2025-жылдын күзүндө Путин Украинанын президентине Москвада сүйлөшүүлөргө келүүнү сунуш кылган, бирок ошол учурда Зеленский баш тарткан.
Мурда Украина тышкы иштер министри Андрей Сибига Владимир Зеленский Россиянын лидери менен аймактар жана Запорожская АЭС айланасындагы кырдаал боюнча маселелерди талкуулоого даяр экенин билдирген.
