Мисал катары Торобекова Өзбекстандын тажрыйбасын келтирди: «Бул өлкөдө жаш жубайлар көп жылдар бою нике алдында ВИЧ, гепатит жана башка оорулар боюнча анализдерден өтүүгө милдеттүү, жана андан кийин гана нике кура алышат».
Депутаттын пикири боюнча, мындай демилге жубайлар арасында инфекциянын жугушун алдын алууга жардам берет. Ал ошондой эле миграция менен байланышкан көйгөйлөргө көңүл бурду.
«Биздин жаштар Москва сыяктуу шаарларда инфекция жугуп алгандан кийин, ата-энелер уулунун ооруп жатканын билип туруп, келинге билдирбейт, жана акыры нике болуп кетет. Бул инфекциянын аялга жугушуна алып келет, ал да ооруп калат», — деп белгиледи Нуржамал Торобекова.
Учурда депутаттар профилдик комитетте өлкөдөгү гепатиттерге байланыштуу профилактика жана эпидемиологиялык кырдаал боюнча Саламаттыкты сактоо министрлигинен келген маалыматты талкуулап жатышат.
