Эдиль Байсалов мамлекеттик спортту өнүктүрүүгө дайыма колдоо көрсөтүлүп жатканын жана финансылык каражаттар жыл сайын көбөйүп жатканын белгиледи. 2020-жылы бул максаттар үчүн болжол менен 800 миллион сом бөлүнгөн, ал эми 2025-жылы сумма дээрлик 2,6 миллиард сомуна жеткен. Бул мамлекеттин спорт тармагына болгон ишенимин жана спортчуларга болгон милдетибизди тастыктайт".
КРнын министрлер кабинетинин сайтынан алынган сүрөт.
Министрлер кабинетинин орун басарынын айтымында, 2030-жылга чейин Кыргыз Республикасын өнүктүрүүнүн Улуттук программасын ишке ашырууга өзгөчө көңүл бурулууда. "Бул программага ылайык, биздин негизги милдетибиз – массалык физикалык тарбия жана спорт менен алектенүүгө жеткиликтүүлүктү кеңейтүү, инфраструктураны модернизациялоо, олимпиадалык резервди түзүү жана массалык спортту өнүктүрүү, мектептерде спорттук секциялар түзүү. Мындан тышкары, биз аялдар спортуна колдоо көрсөтүүгө өзгөчө көңүл бурууну пландап жатабыз", - деди ал.
Ошондой эле Лос-Анжелесте өтө турган XXXIV жайкы Олимпиада оюндарына жана XVIII жайкы Паралимпиада оюндарына даярдык талкууланды. Иш-чаранын катышуучулары 2026-жылы өлкөдө бир нече ири эл аралык турнирдарт өтөөрүн, анын ичинде күрөш боюнча Азия чемпионаты, Ысык-Көлдө парус спорту боюнча Борбордук Азия чемпионаты жана Көчмөндөрдүн дүйнөлүк оюндары өтөөрүн белгилешти. Мындан тышкары, "Кыргыз спорттук-сакайтуучу медицина борборун" түзүүнү тездетүү, массалык иш-чараларда коопсуздук чараларын күчөтүү жана спорт тармагында санариптештирүүнү активдештирүү тапшырылды. Кыргыз мамлекеттик физикалык тарбия жана спорт академиясына өзүнүн окутуу программасын кайра карап чыгуу жана жаңы спорт түрлөрүндө адистерди даярдоого көңүл буруу тапшырылды.
