Муратбековдун айтымында, жаңы структура жаштарды коомдук-саясий, социалдык-экономикалык жана маданий жашоого активдүү тартууга, ошондой эле жаш жарандардын кызыкчылыктарын коргоого жана жаштар саясатын өнүктүрүү боюнча демилгелерди иштеп чыгууга көмөктөшөт.
Торага алдында иш алып баруучу кеңеш жаштар менен квартал сайын жолугушууларды өткөрүүнү пландаштырууда, ага жергиликтүү кенештердин депутаттары, ишкерлер, педагогдор, медиктер жана активисттер кирет. Анын курамына элдик депутаттар жана ар түрдүү мамлекеттик структуралардын өкүлдөрү кирип, жаштардын актуалдуу маселелерин жана демилгелерин талкуулап, парламентке сунуш кылышат.
Ошондой эле жаш кадрларды даярдоо мектебин түзүү, акцияларды, флешмобдорду жана эл аралык тажрыйба алмашуу боюнча иш-чараларды өткөрүү пландалууда.
Жаштар кеңешинин катышуучулары коомдук негизде жана акысыз иштешет. Табылды Муратбеков зарылчылык болсо, эл аралык уюмдардан гранттарды тартуу үчүн долбоордук документацияны иштеп чыгуу пландалганын белгиледи.
Кеңештин түзүлүшүнүн зарылдыгы боюнча мисал катары коңшу өлкөлөрдүн тажрыйбасын келтирди. Мисалы, Өзбекстанда жаштар иштеринин агенттиги иштейт, анда 10 миң адам 36,7 миллион долларлык бюджет менен эмгектенет, ал эми Казакстанда үй-бүлө жана жаштар иштери боюнча комитетте 200 кызматкер жана 12 миллион долларлык бюджет бар. Кыргызстанда жаштар саясаты болгону Маданият министрлигинин курамындагы башкармалык менен чектелип, анда жети адам жана 435 миң долларлык бюджет бар.
Кыргызстанда жаштар 14 жаштан 35 жашка чейинки жарандар катары эсептелет, алардын жалпы саны 2,5 миллион адамды түзөт.
«Бул биздин өнүгүү үчүн потенциалыбыз. Эгер биз жаштарды туура багытка жөнөтсөк жана колдоо көрсөткөн болсок, бул биздин келечегибиздин кепилдиги болот. Албетте, жаңы имараттарды, жолдорду куруу жана ири долбоорлорду ишке ашыруу маанилүү, бирок жаштарга көңүл буруу приоритеттүү багыт болушу керек», — деп жыйынтыктады Табылды Муратбеков.
