Кыргызстандагы Россотрудничество өкүлчүлүгүнүн жетекчиси Альберт Зульхарнеев "Росатом" Россиядан тышкары социалдык жана билим берүү долбоорлорун активдүү өнүктүрүп жатканын белгиледи. Кыргызстандын Табигый ресурстар, экология жана техникалык көзөмөл министринин орун басары Асель Раимкулова да экологияны коргоо боюнча көп жылдык кызматташтыгы үчүн мамлекеттик корпорацияга ыраазычылык билдирди, мындай конкурстар өлкөнүн "жашыл" экономикага өтүшүндө маанилүү роль ойнойт деп белгиледи.
Конкурстун жыйынтыгында Кыргызстандан беш долбоор гранттык колдоо алышты:
"Жүрөктүн көрүүсү" — угуу жана көрүү мүмкүнчүлүктөрү чектелген адамдар үчүн инклюзивдик волонтердук мектеп; "Достук дарагы" — жаштар арасында экологиялык маданиятты калыптандыруу боюнча демилге; "Тазалык үчүн жаштар" — шаардык чөйрөдө волонтерлукту өнүктүрүүгө багытталган долбоор; "Чыйырчык: жайыттарыбызды коргойбуз" — табигый ресурстарды коргоого арналган интерактивдүү квест; "EcoDigital" — экологиялык маселелер үчүн санариптик чечимдер аркылуу муундарды байланыштыруу долбоору.
Кыргызстандагы "Росатом" өкүлчүлүгүнүн генеральный директору Дмитрий Константинов экологияны коргоо жана жаштар арасында социалдык жоопкерчиликти колдоо корпорациянын эң маанилүү приоритеттери экенин белгиледи. Иш-чарада "Евразия Кыргызстан" регионалдык кеңсесинин директору Кымбат Урумкулова да катышты.
Таныштырылган долбоорлордун авторлору өз демилгелерин сунуштап, санариптик чечимдерди ишке ашыруу, волонтерлорду тартуу жана жергиликтүү коомчулуктар менен кызматташуу боюнча кадамдарды кеңири баяндашты. Гранттык колдоо аларга жакынкы убакта пландарын практикалык түрдө ишке ашырууга мүмкүндүк берет.
