Текшерүүнүн жыйынтыгында унааны курак жетпеген кыз айдаганы аныкталды. Ведомство анын ата-энесине Кыргыз Республикасынын укук бузуулар кодексинин 184-беренесинин 3-бөлүгү боюнча протокол түзүлгөнүн жана 15 миң сом өлчөмүндө айып пул салынганын билдирди.
Башкармалык курак жетпегендердин транспорт каражаттарын башкаруусу олуттуу мыйзам бузуулардан экенин, бул өзгөчө баланын жана жол кыймылынын башка катышуучулары үчүн кооптуу экенин белгиледи.
Ведомство ата-энелерди сак болууга жана балдарына унаа айдаганга уруксат бербөөгө чакырды.
Ушундай эле окуяларга же жол кыймылынын эрежелерин бузууга күбө болгон жарандар Жол кыймылынын коопсуздугун камсыздоо башкы башкармалыгынын 0777102102 номерине же ведомствонун социалдык тармактардагы расмий аккаунттарына билдирүү жөнөтө алышат.
Башкармалык ар бир маалыматты кылдат карап чыгып, тиешелүү чараларды көрөөрүнө кепилдик берди.
