«2026-жылдын 13-февралында Ички иштер башкармалыгына М.Б. аттуу жарандан У. аттуу жаранга чара көрүү өтүнүчү менен жазылган арыз келип түштү. Ал Кумтор Голд Компаниясында жумушка орноштурам деп 135 миң сомду алдап алып кеткен. Бул 2024-жылдын декабрь айында болгон, андан кийин кылмышкер жашынган», - деп тактады маалымат кызматы.
Бул арыздын негизинде Ленин районунун Ички иштер башкармалыгынын Тергөө кызматы тарабынан Кыргыз Республикасынын Кылмыш-жаза кодексинин 209-беренеси (алдамчылык) боюнча кылмыш иши козголду.
Оперативдүү-издөө иш-чараларынын жүрүшүндө 1990-жылы туулган З.У. шектүү кармалып, Тергөө кызматына жеткирилди. Кыргыз Республикасынын Кылмыш-процессуалдык кодексинин 96-беренесине ылайык, ал Бишкек шаарынын ГУВДсынын убактылуу кармоо жайына жайгаштырылды.
«Бүгүнкү күндө ал дагы алты окшош кылмышка катышы бар экени аныкталды», - деп кошумчалашты маалымат кызматы.
«Эгер сиз бул алдамчынын курмандыгы болсоңуз, төмөнкү телефон номерлерине кайрылыңыз: 0 (704) 433 666, 0 (502) 441 112 же 102», - деп белгилешти маалымат кызматынын өкүлдөрү.
