Пресс-кызматтын өкүлдөрү, комитет мыйзамда белгиленген кызматтар жана наамдардан тышкары эч кандай ысымдарды колдонбой турганын белгилешти.
«Кличкалар жана формалдуу эмес аталыштар жөнүндө маалыматтар чындыкка дал келбейт жана биздин комитеттин кадрлык практикасына тиешеси жок. Мындай белгилер расмий чөйрөдөн тышкары пайда болот жана УКМКнын позициясын чагылдырбайт», - деп билдиришти пресс-кызматта.
Мындан тышкары, таралган видеодо ойдон чыгарылган ысымдар жана «бузулган фактылар» бар экендиги көрсөтүлгөн.
«Бул материалдар кызыкдар тараптар тарабынан таралып, УКМКнын ишмердүүлүгү жөнүндө жалган коомдук пикирди түзүүгө багытталган», - деп кошумчалашты комитетте.
УКМК ошондой эле мыйзамга «так ылайык иш алып барганын, кызматтык тартип жана кесиптик этика принциптерин сактап жатканын» белгиледи. Комитет бардык адамдарды текшерилбеген маалыматтарды таратуудан баш тартууга чакырды.
