«НК «Кыргыз темир жолу» мамлекеттик ишканасынан алынган маалыматка ылайык, 2026-жылдын 23-февралында саат 14:10да Кара-Балта–Каинды 3718 км аралыкта поезддин машинисти адамдардын темир жолдо тургандыгын көрүп, шашылыш тормозду колдонууга мажбур болгон.
Алдын ала маалыматтарга ылайык, 2009-жылы төрөлгөн С.Р. аттуу өспүрүм, сигнализация күйүп турганына карабастан, темир жолду кесип өткөн. Бул учурда сигнализация нормалдуу режимде иштеп жаткан, унаалар жана жөө адамдар коопсуздук эрежелерин сактап, токтоп турган. «Машинист тарабынан көрүлгөн чараларга карабастан, кагылышуудан качып кутулууга мүмкүн болгон жок. Жаракат алган адам медициналык мекемеге жөнөтүлдү, бирок, тилекке каршы, каза болду. Поезддин тормоздук жолу абдан узун, бул анын массасы жана техникалык мүнөздөмөлөрү менен байланыштуу. Ошондуктан шашылыш тормоздо поезд дароо токтоп кала албайт. Темир жолду кесип өтүү атайын белгиленген жерлерде гана, коопсуздук эрежелерин так сактап, поезддердин жүрүү зонасында болуудан качып өтүү керек», — деп билдиришти «Кыргыз темир жолу» компаниясынан.
