Милициянын маалыматына ылайык, 2026-жылдын 30-январында Сузак районунун Ички иштер бөлүмүнө Барпы айылынын тургуну М.Ш., 1989-жылы туулган, кайрылган. Ал кайрылуусунда 2025-жылдын 23-24-декабрында күйөөсү Мирлан көмүр үчүн сарайга чыкканда, сиирдин жоголгонун байкаганын билдирди. Жоголгон малдын баасы жабырлануучунун баамында 80 миң сомду түзөт.
Бул маалымат Сузак районунун Ички иштер бөлүмүнүн кылмыштардын бирдиктүү реестрине катталган, андан кийин Кыргыз Республикасынын Кылмыш-жаза кодексинин 205-1-беренеси ("Мал уурдоо") боюнча кылмыш иши козголгон.
Сузак районунун Ички иштер бөлүмүнүн кызматкерлери тарабынан жүргүзүлгөн тергөө учурунда ыкчам-издөө иш-чаралары жүргүзүлгөн. Натыйжада, 2026-жылдын 22-февралында төмөнкү адамдар кармалган:
- Т.Т., 1982-жылы туулган, Сузак районунун тургуну;
- Т.А., 2004-жылы туулган, Сузак районунун тургуну;
- Э.А., 2004-жылы туулган, Базар-Коргон районунун тургуну.
Сузак райондук соту кармалгандарга 1,5 айга камакка алуу чарасын көрдү.
Учурда кармалгандардын башка окшош кылмыштарга катыштыгын аныктоого багытталган тергөө иш-чаралары улантылууда.
