Фото Reuters. Лукас Пиньейро Бротен Олимпиада оюндарынын гигант слаломунда алтын медаль утту
25 жаштагы Лукас эки аракетте 2 мүнөт 25,00 секунд жалпы убакыт көрсөткөн.
Экинчи орунду швейцариялык спортчу Марко Одерматт ээлеп, ал 0,58 секундга артта калды, ал эми коло медаль анын өлкөлашы Лоику Мейарга (+1,17) тийди.
Ошентип, Лукас Пиньейро Бротен кышкы Олимпиада оюндарына медаль алып келген биринчи түштүк америкалык спортчу болду.
Кызыктуу жагдай, Лукас норвегиялык жана бразилиялык ата-эненин уулу, Норвегияда төрөлгөн жана 2023-жылга чейин эл аралык аренада ушул өлкөнү көрсөтүп келген. Ал беш жарышта жеңишке жетип, слалом боюнча Дүйнө кубогунун жеңүүчүсү болду, бирок маркетинг укуктары боюнча норвегиялык федерация менен болгон талаштан кийин карьерасын токтотконун жарыялады. Бирок 2024-жылы Бразилиянын өкүлү катары кайра кайтып келип, 2025-жылдын ноябрь айында жаңы командасы үчүн Дүйнө кубогунун этаптарында биринчи алтын медаль утуп алды.
Ошондой эле, казакстандык фигурист Михаил Шайдоров 2026-жылкы Олимпиадада эркектердин одиночный турниринде сенсация жаратып, Казакстандын тарыхында фигурдук коньки тебүү боюнча олимпиялык алтын медаль утуп алган биринчи адам болду.
