29-январда Өзбекстандын президенти Шавкат Мирзиёев расмий сапар менен Түркияга жөнөйт, деп билдирет президенттин басма сөз кызматынан.
Анкарага болгон сапардын алкагында мамлекеттердин башчыларынын жетекчилигинде Стратегиялык кызматташтык кеңешинин төртүнчү жыйынын өткөрүү пландалууда.
Жыйындын жүрүшүндө өзбек-турк стратегиялык өнөктөштүгүн бекемдөө маселеси талкууланат, саясий диалогду өнүктүрүүгө, товар жүгүртүүнү көбөйтүүгө жана экономикадагы негизги секторлордо биргелешкен долбоорлорду ишке ашырууга, транспорттук байланыштарды жакшыртууга басым жасалат. Мындан тышкары, маданий жана гуманитардык алмашуу маселелери да талкууланат.
Ошондой эле президенттер актуалдуу эл аралык жана регионалдык темаларды көтөрүшөт.
Жогорку деңгээлдеги сүйлөшүүлөрдүн аяктоосунан кийин көптөгөн документтерге кол коюу күтүлүүдө.
Эки өлкөнүн лидерлери гуманитардык инициативаларга багытталган бир катар иш-чараларда да катышышат.
