СШАнын президенти Дональд Трамп The New York Post гезитине берген интервьюсунда, эгер мындай муктаждык жаралса, Иранга жөө аскерлерди жиберүү вариантын четке какпаганын билдирди.
Ал «Epic Fury» деп аталган операция, жакында Иран объекттерине болгон чабуулдардан кийин башталганын жана «план боюнча» өтүп жатканын белгиледи. Трамптын айтымында, бул операциялардын жүрүшүндө Ирандын аскердик жана саясий жетекчилигинин жогорку деңгээлдеги ондон ашык мүчөсү жок кылынган.
«Мен жөө аскерлердин тартылбай турганын айтпайм. Мен, эгер гана кырдаал талап кылбаса, аларга муктаждык болбойт деп айтып жатам», — деп кошумчалады ал.
