Парламенттин маалымат кызматынын маалыматына ылайык, Жогорку Кенеш менен Азербайжан Милли Меджлиси ортосундагы байланыштарды активдештирүүгө, адистик комитеттер жана достук топтор деңгээлинде өз ара аракеттенүүгө негизги көңүл бурулду.
Азербайжан менен кызматташтык жөнүндө сүйлөп жатып, Марлен Маматалиев Кыргызстандын тышкы саясатындагы анын артыкчылыгын белгиледи. Ал эки өлкөнүн лидерлери ортосундагы жылуу мамилелер саясий диалогду тереңдетүүгө жана ар кандай тармактарда кызматташтыкты өнүктүрүүгө көмөктөшөрүн айтты.
Мындан тышкары, Торага парламенттик дипломатиянын стратегиялык өнөктөштүктү бекемдөөгө болгон маанисине көңүл бурду жана Жогорку Кенештин Милли Меджлиспен активдүү өз ара аракеттенүүгө даяр экендигин билдирди.
Латиф Гандилов жылуу кабыл алганы үчүн ыраазычылык билдирип, Азербайжан Милли Меджлисинин төрайымы Сагиба Гафарованын саламын жеткирди.
Ал ошондой эле Азербайжан-Кыргыз өнүктүрүү фонду аркылуу инвестициялык ишмердүүлүктү камтыган биргелешкен долбоорлор жөнүндө айтып берди, анын уставдык капиталы 100 миллион долларга чейин көбөйтүлгөн. Бул каражаттар пайызсыз негизде ири долбоорлорду ишке ашырууга жумшалат.
Жолугушуу учурунда соода-экономикалык жана маданий-гуманитардык тармактардагы кызматташтык маселелери, ошондой эле эки өлкөнүн парламенттеринин эл аралык уюмдардагы өз ара аракеттенүүсү талкууланды.
