Анын ата-энеси наркотиктерге көз карандылыкка кабылып, турак жайынан ажырап, ажырашкан. Натыйжада Ноэлия 12 жыл бою баш калкалоо жайларында жашаган, ал эми куракка жеткенден кийин социалдык борбордо орун алган. 2022-жылы ал топтук зордуктоонун курмандыгы болуп, андан кийин бир нече жолу өз жанын кыйууга аракет кылган, бир жолу терезеден кулап, аман калган, бирок паралич болуп калган.
Ноэлиянын айтымында, анын денеси "түрмө" болуп калган, башынан өткөргөн тажрыйбасын эске салып турат. 2024-жылы, туруктуу физикалык жана психикалык ооруга кабылып, ал Испанияда 2021-жылы мыйзамдаштырылган эвтаназияны легалдаштырууну суранып кайрылган.Процедура 26-мартта Каталониядагы Сант-Пере-де-Рибес медициналык мекемесинде жүргүзүлгөн. Эвтаназиядан өткөн өлкөдөгү эң жаш кыз мурда бул процедура учурунда жакындарын көргүсү келбестигин билдирген.
"Мен үй-бүлөмө аларды коштошууга келе алышарын, бирок инъекция жасалган учурда болбошу керектигин айттым. Менин көзүмдү жумганда эч кимдин катышканын каалабайм", - деп El Pais басылмасы анын сөздөрүн келтирет.
