Бүгүнкү күндө бул региондогу эмгек мигранттарына 117 ар түрдүү ишмердик түрлөрү менен алектенүүгө тыюу салынган. Мурда Самара облусунда чет элдиктердин жеңил такси, билим берүү, дарыкана кызматтары жана жумушчу күчүн тандоо агенттиктеринде иштөөсүнө чектөөлөр коюлган.
Эми бул тизмек кыйла кеңейди, көптөгөн жаңы кесиптерди жана багыттарды камтыйт:
- соода;
- транспорт;
- жарандык тамактануу;
- өндүрүш тармагы;
- курьердик иш;
- билим берүү;
- медициналык кызматтар;
- информациондук технологиялар жана илим.
Ошентип, мигранттарга мугалим, машыктыруучу, бала бакча кызматкери катары, ошондой эле соода уюмдарынын көпчүлүгүндө, программалоо тармагында жана учкучсуз учактарды чогултуу менен алектенген ишканаларда иштөөгө тыюу салынды.
Губернатордун жарлыгында жергиликтүү жумуш берүүчүлөргө "чет элдик жумушчулардын санын" жаңы эрежелерге ылайыкташтыруу үчүн үч ай берилери көрсөтүлгөн, бул экономиканын белгилүү секторлорундагы чектөөлөргө байланыштуу.
Россияда патент алган мигранттардын ишин чектөө боюнча ушундай чаралар өлкөнүн башка региондорунда да киргизилген. Босогон вакансияларды Россиянын жарандары же Евразия экономикалык бирлигинин катышуучулары, мисалы, Беларусь, Казахстан, Кыргызстан жана Армениянын өкүлдөрү ээлейт деп күтүлүүдө.
