Жолугушууда дарыгерлердин мекенине кайтуусу жана Кыргызстандагы саламаттык сактоо системасында ийгиликтүү кесиптик ишмердүүлүк үчүн шарттарды түзүү маселелери талкууланды.
Жолугушуу учурунда министр саламаттык сактоо тармагындагы учурдагы реформалар жөнүндө айтып берди, алар медициналык мекемелерди модернизациялоого, эмгек акыны жогорулатууга, инфраструктураны өнүктүрүүгө жана эмгек шарттарын жакшыртууга багытталган. Ошондой эле социалдык колдоо жана кесиптик өсүү темалары, жаш адистер үчүн мүмкүнчүлүктөрдү камтыган маселелер талкууланды.
Кыргызстандык дарыгерлер чет өлкөдөгү иш тажрыйбасы менен бөлүшүп, Кыргызстанда жумушка орношуу жана карьера мүмкүнчүлүктөрү боюнча сунуштарын билдиришти.
Талкуунун жыйынтыгы боюнча бир нече жаш адистер кайтып келип, өлкөнүн саламаттык сактоо тармагында карьерасын улантууну карап чыгууга даяр экендиктерин билдиришти.
Досмамбетов саламаттык сактоо системасы жогорку квалификациялуу кадрларды тартууга кызыкдар экенин жана алардын иши үчүн зарыл шарттарды түзүүгө, ошондой эле керектүү колдоону камсыз кылууга даяр экенин белгиледи.
