Травматология бөлүмүнүн башчысы Алымбек Турдугул уулунун айтымында, аппарат операциядан кийин бейтаптарды тез калыбына келтирүүгө жардам берет.
«Бул заманбап аппарат биздин бөлүмгө абдан керек болчу. ЭОП аркылуу дарыгер операция учурунда сөөк жана импланттын жайгашуусун көрүп, сынган сөөктүн туура ордун текшере алат, мүмкүн болгон каталарды убагында аныктап, дароо оңдой алат, бейтапты тынчсыздандырбай, каалаган бурчтан сүрөт алууга, заманбап аз инвазивдүү аралашууларды жүргүзүүгө мүмкүнчүлүк берет», - деди башчы.
Алымбек Турдугул уулу ошондой эле бул аппарат Кыргыз Республикасынын Саламаттык сактоо министрлигинин каражаттары менен сатып алынганын белгиледи. Учурда ушундай эле жабдуулар райондук мамлекеттик ооруканаларда жок, жана бейтаптар Улуттук ооруканасына дарыланууга жөнөтүлүүгө мажбур болушкан.
