Министрликтин маалыматына ылайык, жүргүзүлүп жаткан экономикалык саясаттын натыйжалары ички дүң продукциянын (ИДП) өсүшүнө оң таасир этти, ал регионалдык жана эл аралык деңгээлде байкалаарлык түрдө көбөйдү.
«2020-жылы Кыргызстандын ИДПсы 601,8 миллиард сомду түздү, ал эми 2021-жылы 723,1 миллиард сомго жетип, экономикалык калыбына келүү мезгилинин башталышын белгиледи. 2022-жылы ички дүң продукция 1 трлн 21 миллиард сомго жетип, биринчи жолу 1 трлн сомдун маанилүү психологиялык чегин ашып өттү. 2023-жылы бул көрсөткүч 1,2 трлн сомго өстү, ал эми 2025-жылга карата ИДПнын көлөмү 1 трлн 976,4 миллиард сомго жетиши мүмкүн, фактически 2 трлн сомго жакындап калды», - деп айтылат билдирүүдө.
Экономика министрлиги ошондой эле акыркы төрт жылда ИДПнын реалдуу өсүшүнүн орточо жылдык темпи 10,2% түзгөнүн белгиледи.
