Ал белгилегендей, кабыл алуу этаптарында кайра иштетүүчүлөр чийки затты кылдаттык менен көзөмөлдөшөт. Эгер ылайыксыз продукция табылса, ал же жабдып берүүчүлөргө кайтарылат, же белгиленген эрежелерге ылайык жок кылынат же жоюлат.
Табалдиев ошондой эле эт продукциясына болгон талаптар Евразия экономикалык биримдигинин техникалык стандарттары менен жөнгө салынарын белгиледи. «Жаныбарлар сойууга чейин ветеринардык коштоочу документтерге ээ болушу, идентификациядан, вакцинациядан, карантинден жана ветеринардык-санитардык экспертизадан өтүшү керек. Текшерүүнүн жыйынтыгы боюнча ветеринардык врач продукциянын ылайыктуулугу жөнүндө корутунду берет», — деп кошумчалады ал.
Мындан тышкары, башкармалыктын начальниги экспортто кээде чек арада документтерде туура келбестиктер пайда болорун айтты. Мындай учурларда маселелер профилдик кызматтар менен кызматташуу аркылуу жумушчу тартипте чечилет.
