Анын айтымында, фермерлер активдүү түрдө өстүрүү жана түшүм жыйноо менен алектенгенине карабастан, алар сактоо үчүн ылайыктуу шарттардын жетишсиздигине туш болушууда. Учурдагы кампалар көп учурда талап кылынган стандарттарга жооп бербейт, ал эми муздаткыч жабдыктардын жоктугу продукциянын тез бузулушуна алып келет — жыйноодон кийин болгону 10 күндүн ичинде.
«Бул боюнча мамлекет зарыл инфраструктураны өнүктүрүү үчүн каражат бөлүп берген. Айрыкча, фермерлерге бизнес-план түзүү жана долбоорлорду даярдоо боюнча колдоо көрсөтүлүүдө», — деди ал.
Мындан тышкары, кампаларды, муздаткычтарды жана башка сактоо объектилерин куруу үчүн банктар аркылуу жылдык 6% менен каржылоону камсыздоо пландалууда.
Торобаев ошондой эле жакынкы эки-үч айдын ичинде кампалык жайларды, кайра иштетүүчү ишканаларды жана чакан өндүрүш цехтерин куруу үчүн кошумча каражат бөлүүнү көздөгөн жаңы долбоордун ишке киргизилээрин маалымдады.
«Азыркы учурда тиешелүү токтом даярдалып жатат», — деп кошумчалады ал.
Министр келечекте айыл чарба жерлеринин ар бир 500 гектарына кеминде бир кампаны же логистикалык борборду түзүү пландалып жатканын баса белгиледи.
