Кыргызстанда 2027-жылдын 1-январынан баштап санарип сомду киргизүү пландалууда. Бул тууралуу Кыргыз Республикасынын Улуттук банкынын орун басары Азат Козубеков 24-февралда өткөн пресс-конференцияда билдирди.
Козубеков мыйзам санарип сомду түзүү боюнча белгиленген күнү күчүнө кирерин тактады, бул валютанын жүгүртүүгө чыгышына мүмкүндүк берет. Азыркы учурда Улуттук банк өнөктөштөрү менен биргеликте бул долбоорду ишке ашыруу боюнча активдүү иш алып барууда.
Маалыматка ылайык, санарип сом улуттук валютанын санарип версиясы болуп, Улуттук банкы тарабынан чыгарылат. Бул валютанын түрү мыйзамдуу төлөм каражаты болуп эсептелет жана бир санарип сом бир наличный сомго барабар болот. Санарип валюта регулятордун кепилдиктери менен камсыздалгандыктан, каражаттарды калыбына келтирүү мүмкүнчүлүгү каралган.
Мындан тышкары, Козубеков учурдагы жылы пилоттук долбоордун жүрүшү тууралуу көбүрөөк маалымат берилерин, бул регулятор үчүн приоритеттүү багыттардын бири экенин билдирди.
