Энергетика министрлиги Бишкек электр тармактары ишканасы тарабынан жүргүзүлгөн масштабдуу иштердин аяктаганын маалымдайт.
2025-жылы борбордо калкы көп жана керектөөчүлөрдүн саны өсүп жаткан райондордо жайгашкан жети подстанциядагы трансформаторлор жаңыртылды. Өзгөртүүлөр төмөнкүлөрдү камтыйт:
• 110/10 кВ «Көк-Жар» подстанциясында 25 МВА трансформатор 40 МВАга алмаштырылды;
• 110/10 кВ «Орто-Алыш» подстанциясында 25 МВА трансформатор 40 МВАга алмаштырылды;
• 110/10 кВ «Алтын-Казык» подстанциясында 16 МВА трансформатор 25 МВАга алмаштырылды;
• 110/10 кВ «Берлик» подстанциясында 16 МВА трансформатор 25 МВАга алмаштырылды;
• 110/10 кВ «Водоканал» подстанциясында 6,3 МВА трансформатор 16 МВАга алмаштырылды;
• 110/10 кВ «Карагачевая» подстанциясында 4 МВА трансформатор 6,3 МВАга алмаштырылды;
• 110/10 кВ «Нижняя-Ала-Арча» подстанциясында 4 МВА трансформатор 6,3 МВАга алмаштырылды.
Бул өзгөртүүлөр тармактын өткөрүү жөндөмдүүлүгүн кыйла жогорулатып, керектөөчүлөр үчүн электр энергиясын камсыздоонун ишенимдүүлүгүн жана сапатын жакшыртты.
2026-жылга пландалган иш-чаралардын алкагында дагы эки кошумча подстанциянын кубаттуулугун жогорулатуу пландалууда:
• 110/6 кВ «Кызыл-Аскер» подстанциясында 25 МВА трансформатор 40 МВАга алмаштырылат;
• 35/6-10 кВ «Центральная-3» подстанциясында 6,3 МВА трансформатор 16 МВАга алмаштырылат.
Жүргүзүлгөн иштер каскаддык метод менен аткарылып, электр тармак комплекси үчүн ишенимдүүлүктү жакшыртууга багытталган, бул болсо тургундар үчүн туруктуу электр энергиясын камсыздоого жардам берет.
Бишкекте жаңы турак жай кварталдарын, социалдык жана өндүрүштүк объектилерди активдүү куруу менен электр тармактарына жүктөм жогорулап, трансформаторлордун кубаттуулугун жогорулатуу талап кылынууда. Бул жакшыртуулардын ишке ашырылышы электр тармактын туруктуулугун жогорулатып, шаар калкы жана уюмдар үчүн үзгүлтүксүз жана сапаттуу электр энергиясын камсыздоого көмөктөшөт, деп белгилейт Минэнерго.
