Компаниянын өкүлдөрүнүн маалыматы боюнча, учурда иштер 80%га аткарылган. Башында долбоор 36 айда аякталууга тийиш болчу, бирок курулуштун жогорулаган темпинин аркасында бул мөөнөт 24 айга кыскартылды.
Жарияланган маалыматтарга ылайык, жылдык электр энергиясын өндүрүү 600 миллион кВт·ч түзөт. 2027-жылдын февралына карата долбоорго болгон жалпы инвестициялар 280 миллион АКШ долларына жетет.
Станциянын биринчи кезеги, кубаттуулугу 100 МВт, 2026-жылдын августунда пайдаланууга берилет, ал эми кийинки кезектери 2027-жылдын августунда аякталат.
Мындан тышкары, Касымалиев Иссык-Көл районунда жайгашкан Кызыл-Орук айылында вьетнамдык Rox Energy Global компаниясы тарабынан ишке ашырылып жаткан күн энергиясын өндүрүү станциясынын долбоору менен да таанышты.
«Ысык-Көл-1» электр станциясынын курулушу 2025-жылдын сентябрында башталды. Долбоор жалпы 1 900 МВт кубаттуулукка жана 1,4 миллиард доллар инвестицияга ээ.
Станция жылына 3,6 миллиард кВт·ч экологиялык таза электр энергиясын өндүрөт. Долбоорду ишке ашыруу этап-этабы менен жүргүзүлөт:
- биринчи кезек — 150 МВт;
- экинчи кезек — 450 МВт;
- үчүнчү кезек — 1 300 МВт.
«Ысык-Көл-1» күн энергиясын өндүрүү станциясынын курулушун аяктоо 2028-жылга пландалган.
