Бул масштабдуу реконструкцияга республикалык бюджеттен 62 миллион сомдон ашык каражат бөлүнгөн. Жумуштарды аткаруу учурунда 15 километрден ашык суу түтүктөрү орнотулуп, ар бири 300 кубометр суу сактоочу эки темир-бетон резервуар курулган.
Айылдын санитардык коопсуздугун жогорулатуу максатында атайын имарат курулуп, анда сууну тазалоо үчүн заманбап бактерициддик жабдык орнотулган. Ошондой эле долбоордун алкагында коопсуздук чаралары каралган: айылдын аймагына 12 өрт гидранты жана суу чыгымын көзөмөлдөө үчүн 600 жеке суу эсептегичи орнотулган.
Жаңы инфраструктуранын ишке кириши менен 600 үй-бүлө сапаттуу жана коопсуз ичүүчү сууга жеткиликтүү болду. Тийиштүү мекеменин адистери системанын ишке кириши жергиликтүү тургундардын жашоо шарттарын кыйла жакшыртып, региондун экономикалык өсүшү үчүн база түзөөрүн белгилешет.
