Транспорт жана байланыш министринин орун басары Улукбек Жанибеков аталган долбоор боюнча маалымат берди.
Долбоордун алкагында Ош шаарында узундугу 3,2 км болгон эки эстакадалык көпүрө жана жол тилкесин куруу пландалууда. Бул чаралар негизги транспорттук түйүндөрдөгү жүктөмдү азайтууга, өткөрүү жөндөмдүүлүгүн жогорулатууга, жол кыймылынын коопсуздугун камсыз кылууга жана шаардык инфратүзүмдү өнүктүрүүгө багытталган.
Долбоорду каржылоо Евразия өнүктүрүү банкынын каражаттары эсебинен жеңилдетилген шарттарда жүргүзүлөт.
Комитет мыйзам долбоорун биринчи окууда бир добуштан колдоду.
