Жыйында МСКнын орун басарлары Азат Алманбетов жана Кубанычбек Ысабеков, ошондой эле Кыргызстандын Улуттук банкы, Антимонополдук жөнгө салуу кызматы, Межбанкттык процессинг борбору, Экономика жана соода министрлиги жана өлкөнүн банктар союзунун өкүлдөрү катышты.
Мындан тышкары, талкууда QR-коддорду жана электрондук капчыктарды колдонуу сыяктуу акчасыз төлөмдөрдүн практикалык колдонулушу боюнча маселелер көтөрүлдү. Катышуучулар акчасыз эсептешүүнү кабыл алуу менен байланышкан көйгөйлөрдү жана бул операциялардын ыңгайлуулугу, ачыктыгы жана коопсуздугу боюнча маселелерди талкуулашты.
Ошондой эле, жеке ишкерлер жана юридикалык жактарга катталган төлөм инструменттери менен байланышкан көйгөйлөргө көңүл бурулду. МСКда бул маселелерди чечүү биринчи кезекте банктарга жана тиешелүү уюмдарга жүктөлгөндүгү баса белгиленди.
Мындан тышкары, жыйында каражаттарды тезирээк эсепке алуу, тарифтик саясат, ошондой эле ишкерлердин күнүмдүк ишмердүүлүгүнө таасир эткен техникалык жана уюштуруу аспектилери боюнча темалар каралды.
Жыйындын жыйынтыгында катышуучулар акчасыз эсептешүүнү жакшыртуу жана бизнес жүргүзүү үчүн жагымдуу шарттарды түзүү максатында мындан аркы кызматташууга даяр экендиктерин билдиришти.
