Ошондой эле талкуу учурунда депутат Суйунбек Омурзаков мамлекеттик сатып алуулар жөнүндө мыйзамдын 2-беренесинин 5-пунктуна ылайык, бул мыйзамга өзгөртүүлөр жылына бир жолу гана киргизилиши мүмкүн экенин тактады.
Закон долбооруна колдоо көрсөткөн депутат Кундузбек Сулайманов, анын максаттары республикалык жана жергиликтүү деңгээлдерде мамлекеттик сатып алуулар процессинде бюджеттик каражаттарды натыйжалуу жана рационалдуу пайдаланууга багытталганын белгиледи.
Депутат Медербек Алиев сунушталган өзгөртүүлөр учурдагы убакыттын талаптарына жооп берерин айтты. Ал тендерлерди өткөрүү учурунда сатып алуучу уюмдар көп учурда төмөн бааларга таянарын, бул сатып алынган товарлардын, иштердин жана кызматтардын сапатына терс таасирин тийгизиши мүмкүн экенин кошумчалады.
Ошентип, мыйзам долбоору мамлекеттик сатып алуулар процессин жакшыртууга жана субподрядчыларды тандоодо тобокелдиктерди минималдаштырууга багытталган.
