Жогорку Кенештин жыйынында төрага Нурланбек Тургунбек уулу кечээ профилдик комитет мамлекеттик гимндын текстинин жана музыкасынын жаңы версияларын караганын, бирок алардын эч бири канааттандырарлык деп табылбаганын билдирди.
«Комитетте талкуулоонун натыйжасында долбоорлорду кайра иштеп чыгуу үчүн кайтаруу чечими кабыл алынды. Биздин милдетибиз гимнды өзгөртүү менен чектелбестен, бардык курактагы адамдар үчүн аткарууга жеткиликтүү версияны тандоодо. Бардык сунушталган варианттар марштык стилде, бул болсо көпчүлүк жарандар үчүн аткарууну кыйындатат. Мен, мисалы, "Кыргыз жери" же "Мекеним мейкин" сыяктуу эркин формада чыгармаларды түзүү керек деп ишенем. Биз совет доорунун марштык стилин артта калтырышымыз керек. Гимн ошондой болушу керек, аны расмий иш-чараларда гана эмес, майрамдарда да ырдай алышы керек. Ал биздин биримдигибиздин символу жана мамлекеттик идентичтигибиздин маанилүү элементи болуп, ар бир кыргызстандыктын сыймыгын жаратат», – деп баса белгиледи Нурланбек Тургунбек уулу, конкурска катышып жаткан авторлорду бул маанилүү маселеге көңүл бурууга чакырып.
Төрага ошондой эле конкурс улантыларын, ага катышууга каалагандарды эскертип, жеңүүчүлөргө президенттен атайын сыйлыктар берилерин кошумчалады.
