Министрликтин басма сөз кызматынын маалыматына ылайык, жыйындын ишине ондон ашык ар кандай министрликтердин жана ведомстволордун өкүлдөрү, ошондой эле Жогорку Кеңештин депутаттары катышты.
Жыйында катышуучулар Бишкекте такси боюнча электрондук кызматты киргизүү, борбордун жана Чүй облусунун газдаштыруу учурдагы абалы, ошондой эле абанын сапатын мониторингдөө системасын өнүктүрүү, анын ичинде датчиктерди орнотуу жана модернизациялоо маселелерин талкуулашты.
Жыйындын жыйынтыгы боюнча, аралык комиссиянын мүчөлөрүнөн турган жумушчу топ түзүү чечими кабыл алынды, ал Бишкек мэриясынын жетекчилигинде электр унаалары үчүн заряддоо станцияларынын тармагын өнүктүрүү максатында иш алып бармакчы.
Мындан тышкары, Улуттук инвестициялык фондго Бишкекте экологиялык такси долбоорун ишке ашырууда ЖК депутаты Дастан Бекешевдин сунуштарын эске алуу тапшырылды, бул кызматты мүмкүнчүлүгү чектелген адамдар үчүн ыңгайлуу жана жеткиликтүү кылуу максатында.
Ошондой эле ОсОО «Газпром Кыргызстанга» Бишкекти жана өлкөнүн башка аймактарын газдаштыруу процессин тездетүү сунушталды.
