Компания кредиторлорго болгон милдеттенмелерин 2024-жылы аткарышы керек болчу
Жогорку Кенештин жыйынында депутат Улукбек Карыбеков «Ихсан Групп ЛТД» курулуш компаниясы 2024-жылдын февралында чыгарылган соттун чечимин аткаруудан баш тартып жатканын билдирди.
Ал 990 жаран компаниянын аракеттеринен жабыркаганын жана соттун чечимине карабастан, кырдаал азырынча чечилбегенин белгиледи.
Депутат Жогорку сот жана Башкы прокуратурага соттун чечимин аткарууну катуу көзөмөлгө алууну суранып кайрылды.
«Ихсан Групп ЛТД» жарандардын акчасын турак жай куруу үчүн тартканын, бирок үлүш ээлерине болгон милдеттенмелерин аткарбаганын белгилеп өтүү керек.
Сот 2024-жылы кооперативдин жетекчилигин алдамчылык аракеттерине күнөөлүү деп таап, жабыркагандарга акчаларын кайтарууну милдеттендирген.
Сүрөт www
