Өкмөттүн позициясы Данияр Амангельдиев тарабынан айтылды
Жогорку Кенештин жыйынында депутат Марлен Маматалиев биринчи вице-премьер-министр Данияр Амангельдиевге чет өлкөлүк номурлары бар автоунааларды легализациялоо үчүн жаңы амнистия өткөрүү сунушу менен кайрылды. Ал мурдагы амнистиядан кийин мамлекеттик бюджетке 1 миллиард 800 миллион сом киргенин белгиледи.
Бирок Амангельдиев мындай программаны кайрадан ишке ашыруу мүмкүн эместигин билдирди.
«Өткөн легализация учурунда бардык зарыл ресурстар бөлүнгөн, комиссиянын иши жүргүзүлгөн жана жарандар үчүн ыңгайлуулук үчүн каттоо органдарында атайын терезелер уюштурулган. Тилекке каршы, көпчүлүк бул процессине жетиштүү олуттуулук менен мамиле кылышкан жок. Эгер биз кайрадан ЕАЭБдеги өнөктөштөрүбүзгө түшүндүрүү иштерин жүргүзсөк, бул Кыргызстан контрабандага жардам берет, жалпы бюджетке салым кошпойт жана мындай автоунааларды өз аймагында легализациялайт деген шектенүүлөрдү жана айыптоолорду жаратышы мүмкүн», — деп кошумчалады ал.
Вице-премьер-министр легализация программасын улантууга азырынча мүмкүнчүлүк жок экенин белгиледи.
Сүрөт www
