Кыргыз Республикасынын Тышкы иштер министрлиги Америка Кошмо Штаттарында коммерциялык айдоочулук күбөлөнү (CDL) алуу жана узартуу боюнча эрежелерди билдирди.
ТИМ белгилегендей, АКШда CDL берүү үчүн катуу талаптар коюлган.
Америка Кошмо Штаттарынын Транспорт министрлиги жана Автомобилдик транспорт каражаттарынын федералдык коопсуздук башкармалыгынын маалыматына ылайык, CDL алуу же узартуу укугу, адатта, төмөнкү категориядагы адамдар үчүн жеткиликтүү:
- АКШнын жарандары;
- "грин-карт" ээси (закондуу туруктуу жашоочулар);
- белгилүү жумушчу визалар менен өлкөдө жүргөн чет элдиктер.
Кыргыз Республикасынын ТИМи жарандарына тиешелүү штаттык органдарда талаптарды алдын ала тактоону, зарыл документтердин мөөнөттөрүн көзөмөлдөөнү жана федералдык нормалардагы мүмкүн болгон өзгөртүүлөрдү эске алууну катуу сунуштайт.
